ШҚО тұрғындарына 447,5 мың тонна көмір қажет
Фото: egemen.kz
Шығыс Қазақстан облысында алдағы күз бен қыс айларында тұрғындарға 447,5 мың тонна көмір қажет.
Өңір бойынша көмірдің жалпы қажеттілігі – 3 097 мың тонна, деп хабарлайды Altaynews Қазақпарат агенттігіне сілтеме жасап.
ШҚО энергетика және тұрғын үй-коммуналдық шаруашылық басқармасының мәліметіне сүйенсек, алдағы күз бен қыс айларында өңір бойынша көмірдің жалпы қажеттілігі 3 097 мың тоннаны құрайды. Оның ішінде халық үшін – 447,5 мың тонна, бюджеттік ұйымдар үшін – 40,9 мың тонна.
"Халыққа көмірді алдын ала сатып алуға кеңес береміз. Аудан әкімдіктерінің ақпараты бойынша бүгінде тұрғындар үшін 134,5 мың тонна көмір дайындалды. Облыстық басқармалардың деректеріне сәйкес бюджеттік ұйымдарға 26,2 мың тонна отын жеткізілді", - делінген ақпаратта.
Сондай-ақ облыс тұйықтарында 6,2 мың тонна көмір бар. Оның ішінде Өскемен қаласында – 3,4 мың тонна, Риддер қаласында – 25 тонна, Алтай ауданында – 1,5 мың тонна, Глубокое ауданында – 450 тонна, Шемонаиха ауданында – 800 тонна.
"Бекітілген жоспарға сәйкес облысқа тамыз айында тағы 82,5 мың тонна көмір, қыркүйекте 83 мың тонна, қазанда 61,6 мың тонна көмір жеткізіледі", - делінген хабарламада.
Оқи отырыңыз
