Риддер ЖЭО-да екі қазандық іске қосылады
Фото: Шығыс ақпарат
Риддердегі жылу электр орталығында екі қазандық бір аптадан кейін іске қосылады.
Жақында, дәлірек айтсақ, 12 қыркүйекте "Риддер ЖЭО" АҚ-да №1, 2 орташа қысымды қазандықтар іске қосылады, деп хабарлайды Altaynews.kz сайты.
Бұл – іске қосу-жөндеу жұмыстарының бірінші бөлігі, содан кейін отқа төзімді кірпішпен қалау жүзеге аспақ.
Президент өзінің Қазақстан халқына Жолдауында жылу және электр энергетикасының барлық саласын жандандыру қажет екенін атап өткен еді. Риддер ЖЭО-да бұл жұмыстар қазір жүргізіліп жатыр. Барлық алты қазандықты қайта құру және жөндеу жұмыстарының қарқыны жоғары.
Риддер қаласының әкімі білікті кадр тапшылығы мәселесін жалақыны көтеру, әлеуметтік пакетті жақсарту, сондай-ақ орта және жоғары оқу орындарында білім алып жатқан жас мамандарды жұмыспен қамту арқылы шешпек.
