Аймағымызда Қазақстандағы жалғыз гематологиялық орталықтың құрылысы әлі жалғасып жатыр.

Бұл жоба қан және жүрек-қан тамырлар жүйесі ауруларының диагностикасы мен ем-шарасын жоғары деңгейге шығаруды, яғни елімізде медициналық көмек көрсетудің сапасын айтарлықтай арттыруды көздейді, деп хабарлайды Altaynews тілшісі.
Жоғары технологиялық көп салалы медициналық орталық бірнеше бағытта жұмыс істейді: гематология, кардиохирургия және соматикалық аурулар. Бірегей жабдықтар мен біліктілігі жоғары мамандары бар заманауи гематологиялық орталықтың бірнеше корпусы болады деп ойластырылған.
Бас ғимаратта химиотерапияның күндізгі стационары, балалар стационары, соматика бөлімі, ересектерге арналған гематология бөлімі, кардиология және кардиохирургия бөлімі, сондай-ақ жілік майын трансплантациялау және консультативтік-диагностикалық бөлім орналасады. 

Орталық 2024 жылдың желтоқсан айында пайдалануға берілмек. 
Премьер-Министр құрылыс жұмыстарының қалай жүріп жатқанын көріп, танысып шықты.

Сонымен қатар облыста ауылдық жерлердегі денсаулық сақтауды жаңғырту бойынша Ұлттық жоба аясында үш жыл ішінде 36 нысан салынады.