Бүгін кешке Күршім ауданы, Күршім ауылының Мәдениет үйінде еліміздің экология және табиғи ресурстар вице-министрі Мансұр Ошурбаев, өнеркәсіп және құрылыс вице-министрі Иран Шархан, сондай-ақ Шығыс Қазақстан облысы әкімінің бірінші орынбасары Нұрымбет Сақтағанов аудан тұрғындарымен кездесу өткізіп жатыр, деп хабарлайды Altaynews.kz сайты. 

Оның айтуынша, егер Маралды тұрғындары өндіріс орнын ашуға рұқсат берсе, инвестор жыл сайын жергілікті тұрғындарға көмек көрсететін болады. Мысалы, жеті жыл бойы тегін көмір беріледі. Ал бес жыл бойы ақшалай жәрдем беріледі. 300-дей жаңа жұмыс орны құрылады. Инвестор өз қаржыларына көпірді жөндеп, ауыл жолдарын (5 км) асфальттайды және мектеп түлектерін оқытуды да өз мойндарына алмақ.

Кездесуде Маралды тұрғындарымен пікір алмасу болды.

Облыс әкімінің бірінші орынбасары Нұрымбет  Сақтағанов 2 миллион теңге ғана салық түскенін, Маралдыда алтын өндіретін зауыт салынса, елге мол қаржы, инвестиция құйылатынын айтып өтті.

Өз кезегінде аудан әкімі Алмат Талғатұлы Маралды ауылының тұрғындарымен 18 рет, ал облыс әкімдігінің өкілдері 8 рет кездесу өткізгенін айтты.