Аманжолов университеті халықаралық рейтингте үздік оқу орындарының қатарына кірді
Фото: Аманжолов университетінің баспасөз қызметі
QS Asia University Rankings 2024 аймақтық рейтингі жарияланды.
ШҚО-дағы С.Аманжолов атындағы ШҚУ әлемдегі үздік оқу орындарының қатарына кірді, деп хабарлайды Altaynews.kz сайты университеттің баспасөз қызметіне сілтеме жасап.
- QS ASIA University Rankings халықаралық рейтингінде Аманжолов университеті топ-500-ге кірді. Осылайша көрсеткішін жақсартып, лайықты орынға орнықты. Университет Қытай, Сингапур, Малайзия және Оңтүстік Кореяның үздік университеттерімен үзеңгілес екенін атап өткен жөн, - делінген баспасөз хабарламасында.
2024 жыл рейтингін жасау кезінде пайдаланылған негізгі көрсеткіштер: академиялық бедел және жұмыс берушілер беделі, профессор-оқытушылар құрамы мен докторлық дәрежесі бар қызметкерлердің саны және шетелдік студенттердің пайызы.
Орталық Азия кеңістігіндегі университеттер арасында QS Top Universities Rankings рейтінгінде Аманжолов университеті 24-ші орында тұр.
