Зейнетақы жинақтарын емге пайдалану уақытша тоқтатылды
Отбасы банктің ресми сайтында жарияланған ақпаратқа сәйкес, 12 қаңтар сағат 19:00-ден бастап enpf-otbasy.kz платформасында емделуге арналған біржолғы зейнетақы төлемдері бойынша өтінім қабылдау тоқтатылды, деп хабарлайды Altainews.kz тілшісі.
Аталған шешім Отбасы Банк, Денсаулық сақтау министрлігі және басқа да мүдделі мемлекеттік органдардың бірлескен жұмысы аясында қабылданған.
Қазіргі уақытта емделуге зейнетақы жинақтарын пайдалану талаптары қайта қаралып жатыр. Алдағы кезеңде ақпараттық жүйелерді өзара біріктіру арқылы зейнетақы қаражатының мақсатсыз жұмсалуына жол бермеу тетіктерін күшейту жоспарлануда.
– Емделуге арналған өтінімдерді қабылдау жаңа талаптар толық пысықталғаннан кейін қайта басталады. Бұл туралы қосымша ақпарат кейінірек хабарланатын болады,- делінген хабарламада.
Оқи отырыңыз
Тіс емдеуге зейнетақы жинақтарын пайдалану бойынша өтінімдер қабылдау тоқтатыладыҚазақстанда зейнетақы жинағы есебінен тіс емдетуге тыйым салындыМиллионға жуық адам зейнетақы жинақтарын баспана алуға жұмсағанЗейнетақы қорының бір бөлігін алу үшін мына сайтқа өтінім бересізОтандастарымыздың зейнетақы жинақтары 22,6 трлн теңгеден асты
