Шығыс Қазақстан облысы делегациясының мүшелері «Самара ауылшаруашылық өңірлік ақпараттық жүйесі» («Самара – АРИС») қосымша кәсіптік білім беру мемлекеттік бюджеттік мекемесінде болып қайтты.

Мекеме тек кеңес беру ғана емес, білім беру қызметін де атқарады. «Самара – АРИС» 2015 жылдан бастап басшыларды, бас мамандарды, орта буын мамандарын және бұқаралық кәсіптер мамандарын қайта даярлау және біліктілігін арттыру жұмыстарын жүргізіп келеді, деп хабарлайды Аltaynews.kz тілшісі.

Сондай-ақ, басқарма басшысы бұл мекеменің ауыл шаруашылығы кәсіпорындарын дамытудың ұзақ және қысқа мерзімді бағдарламалары мен бизнес-жоспарларын әзірлеп жатқанын да атап өтті. Мұнда ауыл шаруашылығы өндірісін, озық, инновациялық бағдарланған агроөнеркәсіптік кәсіпорындар мен фермерлік шаруашылықтар базасындағы тәжірибелік-демонстрациялық алаңдарды әртараптандыру мәселелері зерделенеді.