ШҚО әкімі Ермек Көшербаев ҚХР-ның Қазақстандағы Төтенше және өкілетті елшісі Чжан Сяомен кездесті.

Кездесу барысында тараптар логистика, туризм, медицина салаларындағы ынтымақтастық туралы пікір алмасты, деп хабарлайды Altaynews.kz тілшісі.

Шығысқазақстандық тарап қытайлық серіктестеріне туризм, медицина, суармалы егіншілік, омарта және марал шаруашылығында табысты жобаларды жүзеге асыруға мүмкіндік беретін бірқатар ұсыныстар білдірді.

Атап айтқанда, кеден қоймаларын орналастыру мүмкіндігі мен трансшекаралық ынтымақтастықты арттыру.

Ал бүгін облыс әкімі, ҚХР-ның Қазақстандағы Төтенше және өкілетті елшісі және ҚР ғылым және жоғарғы білім министрі Саясат Нұрбектің қатысуымен Лу Бань шеберханасының ашылу салтанаты өтті.

Аталмыш шеберхана студенттерге Қытайдың заманауи жабдықтарын пайдалана отырып, автомобиль технологияларын меңгеруге мүмкіндік береді және болашақта білікті инженерлер дайындап шығаруға ықпал етеді.

Кездесу қорытындысында аймақ басшысы Қытай елшісінің сапары өңірдегі түрлі саланың одан әрі дамытуға ықпал ететініне сенім білдіретінін жеткізді.