"Өңірдің әлеуметтік-экономикалық дамуы мен әлеуеті, перспективалы жобалар, оның ішінде қазірдің өзінде жұмыс істеп тұрған – Қытаймен бірлесіп жылу бөлетін құрастырмалар шығаратын зауыт туралы ақпарат бердім. Біздің шекаралас өңірлеріміздің тауар айналымы 2022 жылы 920 миллион долларды құрады. Қытай тарапы агрокешен, өнеркәсіп, білім беру, медицина, туризм, сондай-ақ логистика мен көлік салалары бойынша ынтымақтастыққа қызығушылық танытты. Бұл бағытта "Майқапшағай-Зимунай" өткелінде және "Тачин-Аягөз" теміржол жобасында үлкен әлеует бар. Сондай-ақ біз өз тарапымыздан зертхананың құрылысын аяқтадық, оны іске қосу ҚХР-ға одан әрі экспорттау үшін өнімді сертификаттауға мүмкіндік береді. Кездесу одан әрі ынтымақтастықты арттыру сипатында өткенін атап өткен жөн", – деп жазды облыс әкімі әлеуметтік желіде.