ШҚО-да оқушылар арасында олимпиада өтіп жатыр
Фото: 24kz
Бүгін ШҚО-да «Дарын» орталығының ұйымдастыруымен ауыл мектептерінің 9-11 сынып оқушыларына арналған жалпы білім беретін пәндер бойынша I республикалық олимпиаданың екінші кезеңі басталды.
Облыстық кезеңнің жеңімпаздары Републикалық олимпиадада бақ сынайтын болады, деп хабарлайды Altaynews.kz тілшісі.
Олимпиада жаратылыстану-математикалық және қоғамдық-гуманитарлық бағыттарында үш кезең бойынша өткізіліп жатыр. Олимпиаданың облыстық кезеңіне 700-ден аса оқушы қатысуда. Олар аудандық, қалалық кезеңнің жеңімпаздары.
– Олимпиаданың мақсаты – ауылдық жерлердегі мектеп оқушыларының дарындылығы мен қабілеттерін анықтау және қолдау. Оларға оңтайлы жағдайлар жасау, неғұрлым академиялық қабілетті оқушыларды іріктеу. Үздіктерді одан әрі зияткерлік дамуы мен кәсіби деңгейі бойынша бағдарлау, – дейді «Дарын» орталығының әдіскері Жұпар Ерғазықызы.
Олимпиаданың ашықтығы мен академиялық адалдығын сақтау мақсатында Youtube арнасында онлайн трансляция жүргізілуде. Сондай-ақ тәуелсіз бақылаушылардың қатысуымен өтіп жатыр.
Оқи отырыңыз
