Бүгін ШҚО-да бірнеше көлік өрті тіркелді
Алтай ауданында бензин таситын екі көлік жанса, Өскеменде жеңіл көлік өртке оранды.
Өрттен зардап шеккендер жоқ, деп хабарлайды Altainews.kz тілшісі.
- Алтай ауданындағы Зубовск кентінде бокстағы мұнай базасының аумағында 2 бензин таситын автокөлігі өртенді. Өрт сөндіру бөлімшелері ГПС-600 берді. Өрт сөндірушілердің үйлесімді іс-қимылымен 19 ш.м. аумақты шарпыған жалын жойылды.Өртті сөндіруге барлығы 3 техника мен ТЖД жеке құрамының 10 адамы тартылды, - деп хабарлады ШҚО ТЖД.
Сондай-ақ, бүгін Өскемен қаласында Есенберлин көшесінде "Лада Приора" жеңіл автокөлігінен өрт шықты. Өрт сөндірушілер 4 шаршы метр аумақтағы жалынды ауыздықтады.
ШҚО ТЖД автомобиль көлігіндегі өрт қауіпсіздігі ережелерін еске салады:
- техникалық байқаудан уақытында өту
- магнитоланы, дабылды, қозғалтқыштың іске қосу құрылғысын тек мамандандырылған орталықтарда орнату
- автомобиль салонында өрт сөндіргіш болуы керек
- мотор бөлімінде бөгде тез тұтанатын заттарды ұстамаңыз
Оқи отырыңыз
