Синоптиктердің болжауынша, 19 сәуірден кейін шығыста түнде ауа райы 10 градусқа дейін жылынады, деп хабарлайды Altainews.kz тілшісі «Қазгидромет» РМК ақпаратына сүйеніп.

Синоптиктердің болжамынша, 13-19 сәуірде Қазақстан аумағының басым бөлігінде ауа райының тұрақсыз сипаты сақталады. Жауын-шашын жаңбыр түрінде болады деп болжануда, Қазақстанның солтүстік-батысында, солтүстігінде, шығысында, орталығында түнде жаңбыр қарға ұласады: 14-15 сәуірде Ұлытау, Ақтөбе, Солтүстік Қазақстан облыстарында, 14-16 сәуірде Қарағанды облысында, 14, 17 сәуірде Қостанай облысында, 15-16 сәуірде Ақмола, Павлодар облыстарында, 16-19 сәуір Шығыс Қазақстан облысында.

Жауын-шашын еліміздің батысында, солтүстік-батысында, оңтүстігінде 17 сәуірден бастап, республиканың солтүстігінде 19 сәуірден бастап тоқтауы күтіледі.