ШҚО-да өрт қауіпті кезеңде 4 адам әкімшілік жауапқа тартылды (видео)
ШҚО ТЖД
Облыста өрт қауіпті кезең басталғалы 100-ден астам шөп пен қоқыс өрті тіркелді.
Барлық жағдайда азаматтардың өрт қауіпсіздігі ережелеріне салғырт қарауы себеп, деп хабарлайды Altainews.kz тілшісі ШҚО ТЖД ақпаратына сүйеніп.
- Өңірде өрттің алдын алу үшін өрт сөндірушілер, жергілікті атқарушы органдар, полицейлер, орманшылар - барлығы 239 адамнан тұратын 40 мобильді топ құрылды, - деп хабарлайды ШҚО ТЖД баспасөз қызметі. - Мобильді топтар өрт қауіпті кезеңнің басынан бастап 58 профрейд өткізіп, өрт қауіпсіздігі ережелерін сақтамаған 2 адам "Әкімшілік құқық бұзушылық туралы" ҚР Кодексінің 410-бабы бойынша және 2 адам 336-бабы бойынша жауапқа тартылды.
ШҚО Төтенше жағдайлар департаменті табиғатқа және саяжайға баратын тұрғындарға өрт қауіпсіздігі ережелерін сақтауды ескертеді:
- ашық жерде болғанда шөпті өртемеңіз
- орман аймағында от жағуға болмайды
- балаларға отпен және сіріңкемен ойнаудың зияны туралы түсіндіру
- жолда сөндірілмеген темекі тұқылфн көлік терезесінен лақтырмаңыз
- өрт шықса, дереу «101» және «112» телефондары арқылы хабарлаңыз
Оқи отырыңыз
