Жақында ШҚ облыстық ауруханасының дәрігерлері жүкті науқастың өт қабына ота жасап, оны сылып, алып тастады. Операция сәтті өтті. Қазір әйелге және оның болашақ баласына қауіп төніп тұрған жоқ, деп хабарлайды Altainews.kz тілшісі. 

Өтінде тасы бар 28 жастағы әйел жүктіліктің 19-шы аптасында облыстық диагностикалық орталықтың хирургына кеңес алу үшін жүгінген. Қабылдаудан кейін ол ШҚ облыстық ауруханасына шұғыл түрде жатқызылып, хирургтер оның өт қабын алып тастайды.

Хирургия бөлімінің меңгерушісі Марат Башабаевтың айтуынша, жедел флегматозды холециститті дұрыс емдемеу ауыр асқынуларға әкелуі мүмкін. Осы операцияның арқасында науқастың өміріне ешқандай қауіп жоқ.

Әлеуметтік медициналық сақтандыру қорының ШҚО филиалы МӘМС жүйесінде жеңілдік санатына кіретін азаматтар ретінде сақтандырылған барлық жүкті әйелдер тегін медициналық көмектің толық пакетін ала алатынын, оның ішінде қымбат диагностикалық тексерулерге, жоспарлы немесе шұғыл операцияларға құқығы бар екенін еске салды.