«Қазгидрометтің» ақпаратына сәйкес, 2 тамызда күндіз облыста 36 градусқа дейін қатты ыстық күтіледі.

Облыстың оңтүстігінде, солтүстігінде және орталығында өрт қаупі күтілуде, деп хабарлайды Altainews.kz тілшісі.

Осындай жағдайда қауіпсіздігіңіз үшін келесі ұсыныстарды орындаңыз:

- Мүмкіндігінше көшеде болуды шектеу: Әсіресе ең ыстық сағаттарда – 11-ден 17-ге дейін далаға шықпаңыз. Егер шығып жатсаңыз, көлеңкеде болуға тырысыңыз.

- Көшеде жүргенде асықпай, жай қозғалыңыз. Ыстықтан қорғану үшін жиі көлеңкеде демалыңыз.

- Табиғат аясында және үй маңындағы жерлерде от жағуға болмайды. Мұндайда өрт тез таралуы ықтиал.

Егер төтенше жағдай туындаса, дереу 112 телефонына қоңырау шалыңыз. Бұл сіздің және жақындарыңыздың қауіпсіздігі үшін маңызды.