Өскеменде "Flood Challenge" хакатоны өтті
Бүгін облыс орталығындағы “Oskemen IT-hub” базасында "Flood Challenge" атты Хакатон өтті.
Хаб жетекшісінің айтуынша, шараның негізгі мақсаты - Төтенше жағдайларға ден қою және су тасқынынан келетін залалды барынша азайту мақсатныда Шығыс Қазақстан облысында су тасқыны жағдайларын болжау бойынша инновациялық шешімдерді әзірлеу, деп хабарлайды Altainews.kz тілшісі.
Бұл хакатонның финалына мүдірмей 3 қатысушы жеткен. Екеуі Шығыстың жас өнертапқыштары болса, біреуі Қырғызстан мемлекетінен қатысқан.
- Бүгінгі хакатонда тек Шығыста ғана емес, республика бойынша өзекті болып отырған су тасқыны мәселесін шешуге арнадық. Төтенше жағдайдың алдын алуға өнертапқыштар 3 апта өз жобаларын әзірлеп, бізге ұсынды. Бүгін финалға өткен 3 жоба эксперттерге ұсынылып отыр, - деді “Oskemen Hub” жетекшісі Дидар Мұратұлы.
Үздік деп танылған жобаның иесіне бас демеуші “Robosoft” компаниясының атынан сыйақы табысталды. Сондай-ақ жоба иесі енді аталмыш компанияда үш ай бойы жұмыс істеп, тәжірибе жинақтай алады.
Оқи отырыңыз
Өскеменде студенттер арасындағы үздік сәулеттік жоба байқауы жарияланды«Pizza pitch». Өскемендегі ең мықты IT жобалар таныстырылдыӨскеменде су тасқыны кезеңіне кезекшілік ұйымдастырылдыШығыстағы IT-Hub – кемел келешек кілтіҚырғызстанда сел тасқыны салдарынан қаза тапқандар арасында жерлестеріміз бар
