Жазғы демалыстың соңғы күндерін қызықты, әрі есте қаларлықтай ерекше өткізу үшін бейсенбінің кешінде бүлдіршіндер “Нұрлы Жол” саябағына жиналды.

Мұнда "Summer Fest Oskemen-2024" жазғы фестивалі аясында ашық аспан астында кино көрсетілімі ұйымдастырылды, деп хабарлайды Altainews.kz тілшісі.

Айта кету керек, бұл жолғы шараның ерекшелігі - қала тұрғындары үлкен экранда жергілікті кинематографтардың туындыларын тамашалап, актерлармен, режиссермен кездесуге мүмкіндік алды.

Қысқаметражды фильмде басты рөлді ойнаған жас актерлар қатысушылармен тілдесіп, киноға түсудің қызығы мен қиындығын айтып берді.

Шара Ғалия Өтебекованың "Ұмайдың оралуы. Жезтырнақ туралы аңыз” («Возращение Умай. Легенда о Жезтырнак») туындысының тұсаукесерімен басталып,  соңында толықметражды "Дос Мұқасан" фильмі көпшілік назарына ұсынылды.