Таяқ тарту - жастар үшін жаңа ермек
"Шығыс салбурынын" тамашалауға келген жастар Саха ұлтының ұлттық ойыны "Таяқ тартуда" бақ сынасты, деп хабарлайды Аltainews.kz тілшісі.
Ел арасындағы "Таяқ тарту" ойынының халықаралық атауы "Масс реслинг". Бұл ойынның шарты оңай, бірақ білектің күшін талап етеді екен.
- Ойын өте қызық. Бұрын-соңды көрмеген, естімеген ойыным. Бірақ қарап тұрып, шартын тез түсіндім. Тартысып көрген едім, біздің көкпар, аударыспаққа балаларды дайындауға тамаша келетін сияқты. Мұнда дененің салмағы емес, білек күші мен ептілік маңыздырақ сияқты, - дейді Өскемен қаласынан келген Али Байбатша.
Бұл ойын жастар арасында қызығушылық оятып, дүбірлі жұрттың жиналуына себеп болды. Ойынға қатысқан жастар бойларын қыздырып, көңілдерін көтерді.
Ақерке Рағызбаева
Оқи отырыңыз
