Шекара аспай-ақ қандас мәртебесін алу мүмкіндігі қарастырылуда
Фото: gov.kz
Қандас мәртебесін Қазақстан шекарасын аспай-ақ алу мәселесі қарастырылып жатыр, деп хабарлайды Altainews.kz тілшісі.
Бүгінде қандас мәртебесін алу «Құтты мекен» мобильді қосымшасы арқылы жүзеге асырылуда. Алдағы уақытта бұл мәртебені Халыққа қызмет көрсету орталықтары, көші-қон қызметі және enbek.kz порталы арқылы рәсімдеуге болады.
Сонымен қатар, 2023 жылдан бастап Қазақстан елшіліктері арқылы "бір терезе" қағидаты бойынша қандас мәртебесін беру бойынша пилоттық жоба іске асырылуда.
- Пилоттық жоба аясында елімізге келу, жұмыс табу, тұрғын үй мәселелерін республика аумағына кірмей-ақ шешіп, қандас мәртебесін алуға болады, – деді Шығыс Қазақстан облысының жұмыспен қамту және әлеуметтік бағдарламаларды үйлестіру басқармасының басшысы Альмира Мусинова.
Аталмыш пилоттық жобаны толық іске қосуға қатысты жұмыстар әлі де жалғасуда.
Ақерке Рағызбаева
Оқи отырыңыз
