Алгебра және геометрия пәндері біріктіріле ме?
Фото: Жасанды интеллект
Оқу-ағарту министрі Мәжіліс отырысынан кейінгі баспасөз мәслихатында алгебра және геометрия пәндерін біріктіріп оқыту туралы ұсыныстарға пікір білдірді,- деп хабарлайды Altainews.kz тілшісі Kazinform.kz сілтеме жасап.
Ырысбек Мәуіт дейтін ғалым әлеуметтік желіде алгебра және геометрия пәндерін біріктіріп оқыту туралы ұсыныс айтты. Осы ұсынысқа не айтасыз? Неге біз совет заманынан қалған ескі тәсілмен сабақ беріп келеміз, - деп сұрады журналист.
Министр сала мамандары бұл мәселеде әлі бір тоқтамға келе алмай жатқанын айтты.
Бұл дүниелерді біз тиісті мамандармен, сарапшылармен шешуіміз керек. Бүгінгі таңда ол мәселе бойынша үлкен талқылау жүріп жатыр. Екі түрлі пікір бар. Қосып оқытайық дейтіндер де, қоспай оқытайық дейтіндер де бар. Қазір сарапшылар тобы, ғалымдар, әдіскерлер мұғалімдер бір шешімге келген кезде ғана министрлік оны толыққанды қуаттайды. Әзірге ол сарапшылардың ортақ байламға келмегенін айтқым келеді. Қалай ортақ мәмілеге келеді, сол шешім бойынша жылжимыз, - деді ол.
Министр өзі математик болмағандықтан сол саланың ғалымдары айтқан пікірге қарап шешім қабылдайтынын айтты.
Мен математик емеспін. Сондықтан математика сарапшылардың, нағыз мамандардың пікірін тыңдайық. Солар не айтады, сол шешіммен жүреміз, - деді Ғани Бейсембаев.
Оқи отырыңыз
Қазақстанда мектеп оқушылары телеарналар арқылы сабақ оқитын болдыБиыл оқу бағдарламасында қандай өзгерістер болады?Оқушылар оқу жылының соңында қандай емтихандар тапсырады?Вице-министр совет мультфильмдерін қазақшалап көрсету туралы: Ұсыныс оң шешімін табады34 немесе 36 апта: Соңғы қоңырау қашан соғылады?
