Дайыр ауылында және бүкіл Зайсан ауданы халыққа қызмет көрсетіп келе жатқан «Біріккен ЭнергоҚызмет Көрсету Компаниясы» АҚ үшін маңызды оқиға – Алтай өңірі Зайсан электр тарату желілері РЭС-інің Дайыр желілік учаскесінің жаңа әкімшілік ғимаратының салтанатты ашылуы өтті. Барлық еңбек қауіпсіздігі талаптарына сәйкес келетін заманауи ғимаратта қызметкерлерге жайлы, жарық кеңселер мен техникалық үй-жайлар ұсынылып, олардың тиімді жұмыс істеуіне қауіпсіз әрі ыңғайлы жағдайлар жасалды.

Жаңа әрі қажетті құрал-жабдықтармен қамтамасыз етілген жұмыс орындары мамандарға өз міндеттерін одан өнімдірек атқаруға мүмкіндік беріп, қызмет көрсету сапасын жоғары деңгейде ұстауға көмектеседі. Қолайлы кәсіби орта ұжымды жаңа жетістіктерге ынталандырып, энергетиктердің кәсіби біліктілігін арттыруға ықпал етеді.

1994 жылы негізі қаланған Дайыр желілік учаскесі сол уақыттан бері өңірдің электр желілерін дамыту мен нығайтуға орасан зор үлес қосып келеді. Учаскенің негізін қалаған энергетик ардагер Қабаш Тұрдыбековтің есімі еңбекқорлық пен кәсібиліктің белгісіне айналды. Жылдар бойы учаске ұжымы материалдық-техникалық базаны бірнеше мәрте жаңартып, мыңдаған тұрғындар мен кәсіпорындарға үздіксіз электр қуатын жеткізуді қамтамасыз етті. Көптеген жылдар бойы еңбек еткен жоғары білікті мамандар Зайсан ауданының энергетикалық инфрақұрылымын дамытуға үлкен үлес қосты.

Бүгінгі таңда Дайыр желілік учаскесі мен Зайсан РЭС-і аймақ игілігі үшін жұмысын жалғастырып, энергетика саласындағы заманауи шешімдерді іске асырып, әрбір тұтынушыға желілердің сенімділігі мен қауіпсіздігін қамтамасыз етуде. Жаңа әкімшілік ғимараттың ашылуы – бұл тек қана алға қарай жасалған қадам емес, сондай-ақ Зайсан ауданында энергетика саласының тұрақтылығы мен әрі қарай дамуының кепілі.

Шығыс Қазақстандағы электр энергиясын тарату желілері 1949 жылдың 18 сәуірінен бастап жұмыс істеп келеді «Біріккен ЭнергоСервистік Компаниясы» АҚ-ның негізгі қызметі – электр энергиясын жеткізу.

«БЭСК» АҚ Шығыс Қазақстан облысы мен Абай облысының аумағына қызмет көрсетеді. Қызмет көрсету аумағы 15 ауылдық аудан, 10 қала, 872 ауыл мен елді мекен, 254 ауылдық және ауылдық округтерді қамтиды.

«БЭСК» АҚ баспасөз орталығы