ШҚО әкімдігінің бастамасымен көлеңкелі экономика, қаржы пирамидалары және лудоманияның алдын алу мақсатында Д. Серікбаев атындағы ШҚТУ студенттерімен кездесу өтті, деп хабарлайды  Altainews.kz  тілшісі.

Шара барысында Шығыс Қазақстан облысы Экономикалық тергеп-тексеру департаментінің басшысы Айдын Қапарұлы студенттерге қаржы пирамидаларының, лудоманияның қауіптілігі мен олардың қоғамға зиянды ықпалы туралы түсіндірді. 

Қаржы пирамидалары, лудомания және көлеңкелі экономика – қазіргі заманның өзара тығыз байланысты үш ірі мәселесі. Олар қаржылық сауаттылықтың төмендігі мен жылдам табысқа құштарлықтан туындайды.

Д. Серікбаев атындағы университеттің студенті Ләйлә Төлеубекова шараның маңыздылығын атап өтті.

Жоба аясында облыс жастарына арналған кездесулер мен профилактикалық шаралар ұйымдастырылып, интеллектуалдық ойындар өткізілді. Департамент басшылығы бұл бағыттағы жұмыстардың алдағы уақытта жалғасатынын мәлімдеді.

Фото: Аяужан Утеулинова