Өскемен қаласында облыстың жас педагогтеріне арналған «Жас ұстаз: табысқа апарар жол» атты  облыстық форум өтуде, деп хабарлайды Altainews.kz тілшісі.

Форумның мақсаты – «Баршаға қолжетімді сапалы білім» Ұлттық баяндама жобасын іске асыру аясында жас мұғалімдерге педагогикалық кәсіптің табыстылығының бағдарларын ұсыну, кәсіби дамуға ынталандыру.

Қазіргі оқушылардың ертең сауатты ұрпақ ретінде қалыптасуы бүгінгі жас педагогтерге тікелей байланысты. Сондықтан қазіргі білім жүйесінде жас мамандарды оқытуға, үйретуге және дамытуға арналған түрлі бастамалар іске асырылуда. Солардың бірі – «Жас ұстаз: табысқа апарар жол» форумы.

Форумға ШҚО білім басқармасының, облыстық әдістемелік орталығының өкілдері, ШҚО жалпы білім беру ұйымдарының 100 жас мұғалімі қатысуда. Олар «Жетістік тарихы», «Жас педагогтің кәсіптік дамуы: оқыту және оқу», «Трансформациялық ойын» алаңдарында жұмыс жасайды. 

Ақерке Рағызбаева

Фото: Аяужан Утеулинова

Видео: Данияр Сагидолдин