Шығысқазақстандық құтқарушылар отқа оранған үйден алты адамды алып шықты, деп хабарлайды  Altainews.kz тілшісі.

Оқиға Өскемендегі Гагарин бульвары көшесі бойында орналасқан бес қабатты тұрғын үйдің бірінде болған.

Белгілі болғандай, бірінші қабаттағы пәтерден өрт шығып, осы подъездегі өзге тұрғындардың сыртқа шығуын қиындатқан.

Оқиға орнына жедел жеткен ТЖД қызметкерлері баспалдақ маршымен 21 адамды, оның ішінде 4 баланы эвакуациялап, құтқару капюшонының көмегімен 6 адамды (оның 3-і бала) ажалдан арашалап қалды.

Облыстық төтенше жағдайлар департаментінен хабарлағандай, 20 шаршы метрдей аумақты шарпыған қызыл жалын көп өтпей ауыздықталды. Зардап шеккендер жоқ.

Мамандар өрт болған жағдайда бірден 112 нөмеріне хабарласу қажет екенін еске салуда.

Нұржан Кенжеұлы

Фото: ШҚО ТЖД