Шығыс Қазақстанда дауылды ескерту жарияланды
pexels.com
Шығыс Қазақстан облысында 14 қаңтар күні қолайсыз ауа райы күтіледі. "Қазгидромет" ШҚ филиалының мәліметі бойынша, солтүстік және оңтүстік аймақтарда тұман түсіп, желдің екпіні облыстың батысы мен орталығында 15-20 м/с, күндіз 23 м/с-қа дейін жетуі мүмкін. Өскемен қаласында түнде және таңертең тұман болуы ықтимал,- деп хабарлайды Altainews.kz тілшісі.
Облыс тұрғындарына жол сапарын кейінге қалдыруға немесе сапар кезінде ерекше сақтық танытуға кеңес беріледі. Ауа райы нашарлаған жағдайда жақын маңдағы елді мекендерде немесе қауіпсіз орындарда тоқтаған жөн. Желдің қатты екпінінен ғимарат ішінде болу, ағаштардың, жарнамалық тақтайшалардың және электр сымдарының жанында тұрмау маңызды,- делінген хабарламада.
Төтенше жағдай туындаса, 112 нөміріне хабарласу қажет.
ШҚО ТЖД баспасөз қызметі тұрғындарды сақтық шараларын қатаң ұстануға шақырады.
Оқи отырыңыз
