ШҚО ТЖД ескертеді: Ауа райының қолайсыздығы кезінде сақ болыңыз!
pexels.com
"Қазгидромет" ШҚ филиалының ақпаратына сәйкес, 21 қаңтарда Шығыс Қазақстан облысының батысында, солтүстігінде, шығысында түнде, күндіз солтүстігінде, шығысында, оңтүстігінде бұрқасын мен көктайғақ күтіледі. Түнде және таңертең облыстың оңтүстігінде тұман болжанады. Жел шығыстан, оңтүстік-шығыстан соғып, облыстың солтүстігінде, шығысында, орталығында 15-20 м/с, екпіні 25 м/с дейін жетеді. Өскемен қаласында бұрқасын мен көктайғақ күтіледі, жел оңтүстік-шығыстан соғады, екпіні 15-20 м/с дейін болады.
-ШҚО Төтенше жағдайлар департаменті халықты қолайсыз ауа райы кезінде елді мекендерден тыс жерлерге сапарды кейінге қалдыруға шақырады. Ауа райы нашарлаған жағдайда, елді мекендерге, жанармай құю бекеттеріне, жол бойындағы кафелерге немесе ұйымдастырылған автотұрақтарға жақын жерде тоқтаңыз,- делінген хабарламада.
Көктайғаққа түсу мүмкіндігін азайту үшін:
- Тайғанамайтын аяқ киім киіңіз.
- Жаяу жүргенде қолыңызды қалтаңызда ұстамаңыз.
- Уақытыңызды есептеп, асықпаңыз.
- Көлік жүргізушілері жылдамдықты және қашықтықты қатаң сақтауы қажет.
Төтенше жағдай кезінде 112 нөміріне хабарласыңыз.
Оқи отырыңыз
