Сәрсен Аманжолов атындағы Шығыс Қазақстан университетінде Жұмысшы мамандықтар жылына арналған ашық пікірталас алаңы ұйымдастырылды. Кездесуге түрлі жұмысшы мамандықтардың өкілдері, қоғамдық ұйымдар, студенттер мен оқытушылар қатысты, – деп хабарлайды Altainews.kz  тілшісі.

Кездесудің мақсаты – университеттер мен колледждердің студенттерімен бірге жұмысшы мамандықтар саласындағы жаңа идеяларды талқылау.

Пікірталас барысында жаңа мамандарды оқыту, олардың кәсіби дайындығы мен жұмысшы мамандықтардағы мансаптық перспективалар сияқты мәселелер талқыланды. «Казцинк» ЖШС, «Цветмед» ЖШС кәсіпорындарының өкілдері, сондай-ақ денсаулық сақтау, мәдениет, спорт және орман шаруашылығы салаларының мамандары табысқа жету құпияларымен бөлісіп, жұмыстардың қоғам өміріне әсерін айтып берді.

Жұмысшы мамандықтар жылына қоса, биыл бірқатар маңызды мерейтойлық даталар атап өтіледі. Олар – Қазақстандағы кәсіподақ қозғалысының 120 жылдығы және Қазақстан Республикасы кәсіподақтар федерациясының 35 жылдығы. ШҚО аумақтық кәсіподақтар бірлестігі төрағасының орынбасары Айжан Игасанова жұмысшы мамандықтардың беделін арттырудың маңыздылығын атап өтті.

Кәсіби колледждер мен оқу орындарының білім беру бағдарламаларын жаңғырту мәселесіне ерекше назар аударылды. Қатысушылар заманауи технологияларды енгізу мен жас мамандардың кәсіби өсуіне жағдай жасау қажеттілігін талқылады.

Кездесу нәтижесінде барлық қатысушылар жұмысшы мамандықтардың беделін арттыруға бағытталған бағдарламаларды әзірлеу және ынтымақтастықты жалғастыру қажеттілігімен келісті.

Роксана Глыбова 

Фото: Нелли Петенева 

Видео: Жәнібек Ырысбай