– Қазіргі таңда біздің салада байланыс пен автоматикаға қажетті электр монтерлары, электр слесарьлары, жоғары вольтты жабдықтармен жұмыс істейтін электр мамандары, инженерлер мен шеберлер жетіспейді. Егер біздің компанияны ғана алатын болсақ, қыс мезгілінде 180, жазда 230-240 жұмысшы маман тапшы. Ал облыс көлемінде бұл көрсеткіш 350-ден асады. Оқу орнын бітірген жастар жеңіл жұмыстарды таңдайды. Биылғы жыл "Жұмысшы мамандықтар жылы" деп жарияланып, аймақта тиімді жоспарлар қабылдануда, жүйелі жұмыстар атқарылып жатыр. Бұл шаралар бір-екі жылда емес, үш-төрт жылда өз жемісін береді деп ойлаймын. Олар болашақта мамандардың біліктілігін арттырып, «үздік жұмысшы», «үздік инженер», «үздік шебер» секілді мәртебеге жетуіне, кәсіби деңгейде жұмыс істеуіне ықпал етеді, – дейді «Біріккен ЭнергоСервистік Компаниясы» АҚ облыстық филиалының директоры Ерболат Әлпиев.