Шығыс Қазақстан облысының құрылыс, сәулет және қала құрылысы басқармасының басшысы қызметіне Руфат Бағдатұлы Акрамов тағайындалды,- деп хабарлайды Altainews.kz тілшісі.

Руфат Акрамов – Шығыс Қазақстан облысының тумасы әрі құрылыс саласында үлкен тәжірибесі бар білікті маман. Ол әр жылдары Өскемен қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімін, құрылыс және қаржы бөлімдерін басқарған.

Сонымен қатар ол Шығыс Қазақстан облысының Мемлекеттік сатып алу басқармасының басшысы, цифрландыру және архивтер басқармасының басшысы, сондай-ақ "ШҚО өңірлік мемлекеттік-жекешелік әріптестік орталығы" АҚ Басқарма төрағасының орынбасары лауазымдарын атқарды.