«Азаматтарға арналған үкімет» ШҚО бойынша филиалы облыс бойынша аудандарда тұратын зейнеткерлер саны рейтингін жасады. Статистика 2025 жылдың ақпан айының басында жаңартылған деректерге негізделген.
Рейтингке сәйкес, топ-3 құрамына Алтай, Глубокое аудандары және Риддер қаласы кірді. Сонымен, зейнеткерлердің көпшілігі Алтай ауданында тұрады-14 753 адам. Екінші орында Риддер қаласы тұр-11 245 адам. Рейтинг үштігін 11 159 зейнеткері бар Глубокое ауданы аяқтайды.
Зейнеткерлер саны ең аз Марқакөл ауданында – 1385 адам, Катонқарағай ауданында-1967 және Үлкен Нарын ауданында – 2225 адам.

Ресми деректер бойынша Қазақстанда 2 млн 400 мыңнан астам зейнеткер бар. 2025 жылы жалпы негізде зейнетке шығу жасы 63 жасты, әйелдер-61 жасты құрайды. 2028 жылдан бастап ҚР заңнамасы негізінде әйелдер үшін зейнеткерлік жас жыл сайын 6 айға ұлғаяды. Мұндай өсім 2031 жылға дейін, ең жоғары шекті деңгейге жеткенге дейін 63 жасқа дейін болады.
Семей полигонының радиациялық тәуекел аймақтарында 1949-1963 жылдар аралығында кемінде 5 жыл тұрған азаматтардың ертерек зейнетке шығуға құқығы бар: ерлер-50 жаста, әйелдер-45 жаста.
Естеріңізге сала кетейік, еліміздің азаматтарына зейнетақы төлемдерін ресімдеу үшін зейнеткерлік жасқа жеткенге дейін 10 күн бұрын ХҚКО-ға жүгіну қажет.