Өскемен қаласының қарқынды дамып келе жатқан 20-шы шағын ауданындағы Жерұйық көшесінің тұрғындары бірнеше жылдан бері көше жарығының жоқтығына шағымданып келген еді. Кешкі уақытта оқушылар мен егде жастағы адамдар үшін жүру қауіпті болатын, деп хабарлайды Altainews.kz тілшісі «Кэмонт» АҚ-ның баспасөз қызметіне сілтеме жасап.

Жуырда бұл мәселе шешімін тапты. Тұрғындардың «Кэмонт» АҚ-на жасаған өтінішінен кейін көшеге 19 заманауи жарық шамы орнатылды. Қазір түнгі уақытта көше әлдеқайда жарық әрі қауіпсіз болды. Сонымен қатар шағын ауданда 60-тан астам жарық шамы жаңартылды.

Өскемен тұрғыны Ақерке Мысырқызы да жарық шамдарының орнатылуы ең алдымен ата-аналарды қуантқанын атап өтті. Өйткені өткен күзде осы көшеде жаңа балабақша ашылған болатын.

Видео: «КЭМОНТ» АҚ баспасөз қызметі

Фото: видеодан скриншоттар