Халықаралық әйелдер күні қарсаңында Өскеменде көпбалалы аналарға бір реттік әлеуметтік көмек берілді, деп хабарлайды Altainews.kz тілшісі.

15 000 теңге көлеміндегі төлем келесі санаттағы аналарға тағайындалды:
 «Алтын алқа», «Күміс алқа» иегерлері;
Бұған дейін «Батыр ана» атағына ие болғандар;
 I және II дәрежелі «Ана даңқы» орденінің иегерлері;
Төрт және одан да көп бала тәрбиелеп отырған аналар.

Қаражат әлеуметтік төлемдер түсетін шоттарға аударылды. Биыл бұл қаржылай қолдаумен 4 630 әйел қамтылды.

Бір реттік көмек қалалық мәслихат сессиясында бекітілген әлеуметтік қолдау көрсету ережелеріне сәйкес жүргізілді.