– Былтырғы өткен үшінші Ұлттық құрылтайда көтерілген мәселелердің нәтижесінде он заң жобасына толықтырулар мен өзгерістер енгізілді. Соның ішінде тоғыз заң қабылданып, бүгінде халық игілігіне қызмет етіп жатыр. Бұл – құрылтай шешімдерінің сөз жүзінде қалмай, нақты іске асатынын көрсететін жарқын мысал.
Ал биылғы құрылтай барысында 150-ден астам ұсыныс жиналды. Бұл ұсыныстар да тиісті орындарда қаралып, болашақта ел игілігі үшін жүзеге асырылатынына сенім мол. Ұлттық құрылтай – ел ішіндегі сенімді арттырып, халықтың билікке деген көзқарасын жақсартатын маңызды институт. Ол еліміздің саяси, әлеуметтік және экономикалық дамуына тың серпін беріп отыр, – деді ол.