“Қазгидромет” Шығыс Қазақстан облысы бойынша филиалының мәліметінше, 2 мамыр күні түнде және таңертең өңірдің солтүстігі мен шығысында тұман күтіледі. Сонымен қатар, осы аумақтарда ауа температурасы төмендеп, түнде 3 градусқа дейін үсік жүреді, деп хабарлайды Altainews.kz тілшісі.

Өскемен қаласында да топырақ бетінде 3 градус үсік күтіледі. Ал облыстың оңтүстігі мен солтүстік-батысында жоғары өрт қаупі сақталып отыр.

ШҚО Төтенше жағдайлар департаменті азаматтарға қауіпсіздік шараларын сақтауды ескертеді.
Кез келген төтенше жағдай орын алған жағдайда 112 нөміріне қоңырау шалуға болады.