«Қазгидромет» ШҚО филиалының ақпараты бойынша 1 маусымда түнде облыстың шығысында, орталығында жауын-шашын (жаңбыр, қар) күтіледі.

Түнде және таңертең облыстың солтүстігінде, шығысында тұман болады, деп хабарлайды Altainews.kz тілшісі.

Күндіз облыстың шығысында, оңтүстігінде найзайғай күтіледі.

Солтүстік-батыстан, солтүстіктен жел соғады, күндіз облыстың шығысында, оңтүстігінде екпіні 15-20 м/с.

Түнде облыстың солтүстігінде, шығысында 2 градус үсік күтіледі.

Облыстың оңтүстігінде төтенше өрт қауіпі сақталады.