Жол жөнделеді, жарық орнатылады – әкім нақты уәде берді (видео)
Өскемен қаласының әкімі Алмат Ақышов Сол жағалау тұрғындарымен кездесті. Кездесудің басты мақсаты – халықтың тұрмыс сапасын арттыруға бағытталған өзекті мәселелерді талқылап, тұрғындардың ұсыныс-тілектерін тыңдау, деп хабарлайды Altainews.kz тілшісі.
Кездесу барысында тұрғындар жолдардың жағдайы, көше жарығы, жеке сектордағы үйлердің жылыту жүйесі және қоқыс шығару мәселелерін көтерді. Қала әкімі көтерілген әр мәселе бойынша жеке тоқталып, кейбірінің шешімі жақын арада қолға алынатынын жеткізді.
– Мемлекет тарапынан барлық шағынаудандарға бірдей көңіл бөлініп, тиісті жағдай жасалады. Жуық арада бұл аумақта жолдар ретке келтіріліп, шұңқырларды жамау жұмыстары басталады. Бір көшеге асфальт төселеді, тоғыз көшеге жарық орнатамыз. Сонымен қатар, жазғы маусымға арналған балалар ойын алаңын қай жерге салу керектігі күзге дейін шешіледі, – деді Өскемен қаласының әкімі Алмат Ақышов.
Әкім кездесуде айтылған мәселелердің рет-ретімен шешілетінін айтып, жауапты бөлім басшылары мен құзырлы мекемелерге нақты тапсырмалар берді.
Фото: Жібек Нұрахмет
Оқи отырыңыз
«Қала дамуы – басты назарда»: Өскемен әкімі тұрғындардың сұрақтарына жауап бердіӨскемен: Қараусыз қалған Мирный кентінің инфрақұрылымы жаңа әкімнің назарындаБүгін шаһар басшысы Сол жағалау тұрғындарымен кездеседіТұрғыннан сұрақ, әкімнен жауап: "Шмелев Логтың инфрақұрылымы кезең-кезеңімен шешілмек"Балабақша, жол, жарық: Бабкина Мельница тұрғындары қала әкіміне мәселелерін жеткізді (видео)
