Тәртіп сақшыларының отбасылары сайысқа түсті (видео)
ҚР ІІМ Шығыс Қазақстан облысы бойынша Мамандандырылған күзет қызметі басқармасы 1 маусым – Балаларды қорғау күніне орай «Анам, әкем, мен – тату отбасым» атты жанұялық спорттық шара ұйымдастырды, деп хабарлайды Altainews.kz тілшісі.
Атаулы шара отбасылық құндылықтарды нығайтуға және салауатты өмір салтын насихаттауға бағытталды. Мамандандырылған күзет қызметі басқармасының қызметкерлері балаларымен бірге түрлі эстафеталық ойындарға қатысып, бір шаңырақ астында ұйымшылдық пен сергектіктің үлгісін көрсетті.
— Балаларды қорғау күніне арналған іс-шаралар үш күнге жалғасады. Бүгін эстафеталық жарыс өткізілсе, ертең балалар үйі мен жасөспірімдер үйінің тәрбиеленушілеріне концерттік бағдарлама мен тәрбиелік кездесулер ұйымдастырылады, арнайы сыйлықтар табысталады. Ал үшінші күні басқарма қызметкерлерінің балаларына арналған мерекелік кеш өтеді, — деді ШҚО «Мамандандырылған күзет қызметі басқармасы» аға инспектор-психологы Бауыржан Мусин.
«Бала күлсе, бақыт құлағын түреді» дегендей, «Анам, әкем, мен – тату отбасым» атты спорттық ойындар жарыстан бұрын бүлдіршіндердің қуанышына айналды.
Фото: Екатерина Семина
Оқи отырыңыз
