Шығыс Қазақстан облысының әкімі Нұрымбет Сақтағанов азаматтарды жеке қабылдап, тұрғындардың өзекті мәселелерін тыңдады, деп хабарлайды Altainews.kz тілшісі.

Қабылдау кезінде «ШҚО жетім балалардың құқықтарын қорғау» қорының төрайымы Александра Исмаилова балалар үйінің түлектеріне баспана бөлу барысындағы заңбұзушылықтарға назар аударды. Оның сөзінше, прокуратура тексерістері де бұл олқылықтарды растаған.

Өңір тұрғыны Светлана Асеева кіреберіс жолдардың жөнделуі мен ауладағы жарықтандыруды сұрады. Әкімнің айтуынша, жол жөндеу жұмыстары қыркүйек соңына дейін аяқталса, жарықтандыру алдымен мектептер маңында, кейін тұрғын аудандарда орнатылады.
Балалар үйінің түлегі, мүмкіндігі шектеулі Чингиз Құрманхан да өтінішін жеткізді. Ол тұрғын үй кезегіне қайта қойылып, қазір анестезиямен тіс емдеуді қажет етіп отыр.

Осылайша, қабылдауға келген тұрғындардың әрқайсысының сұрағы назарға алынып, тиісті органдарға тапсырмалар берілді.

Елизавета Седых

Фото: ШҚО әкімдігінің баспасөз қызметі