26 қазаннан бастап Қазақстан мен Ресей арасында жаңа теміржол қатынасы ашылады. Енді жолаушылар Алматыдан Мәскеуге тікелей пойызбен қатынай алады, деп хабарлайды Altainews.kz тілшісі.

Жаңа бағыт бойынша вагондар алдымен №7/8 «Алматы – Саратов» пойызының құрамында Саратов станциясына дейін жеткізіледі. Одан кейін №85/86 «Дербент – Мәскеу» пойызына тіркеліп, Ресей астанасына дейін барады.

«Алматы – Мәскеу» пойызы күнара жүретін болады. Құрамында бір купе және бір плацкарт вагон қарастырылған.