Алакөл көліне 11 бағыт бойынша пойызбен жетуге болады. 

Нұр-Сұлтан қаласынан Достық станциясына дейін аптасына екі рет әлеуметтік маңызы бар пойыздар, сондай-ақ мемлекеттік бюджеттен субсидияланатын "Тальго" вагондарын жасақтайтын № 54/53 Нұр-Сұлтан НЖ - Достық және № 258/257 Нұр-Сұлтан-1 - Достық пойыздары жүреді. Маусымда купе вагонында жол жүру құны 10 149 теңгені, плацкарт 6 663 теңгені құрайды.

№ 121/122 Нұр-Сұлтан – Семей пойызының купе вагонында жол жүру құны маусымда 7 952 теңгені құрайды, плацкарт 5 213 теңгені тұрады.

Маусымда № 6941/6942 Ақтоғай - Достық пойызының купе вагонында жол жүру құны 2 914 теңге, плацкартында 2 056 теңге тұрады. № 21/22 Қызылорда - Семей пойызының купесінде жол жүру 11 393, плацкартында 7 471 теңге болады. Бұл пойыздар күн сайын жүреді.

Сондай-ақ, ұлттық тасымалдаушы "Тальго"вагондарымен екі пойызды іске қосты. Маусымда № 211/212 Алматы-2 - Достық пойызының купелік вагонында орын 9 826 теңге, люксте - 11 698 теңге тұрады. № 453/454 Алматы-2 - Достық поезының купесінде жол жүру құны - 9 088 теңге, люксте - 10 808 теңге.

Шығыс Қазақстан облысынан келген туристер Өскемен - Достық № 459/460 құрамын пайдалана алады. Маусымда плацкарт вагондағы орын үшін 4 159 теңге немесе купедегі орын үшін 6 253 теңге төлеуге болады. Сондай-ақ, № 6941/6942 Ақтоғай - Достық пойызымен маусым айында плацкарт вагонда билет құны - 2 056 теңге, купеде-2 914 теңге.

Абай облысынан күнара Алакөл жағалауына № 457/458 Семей - Достық пойызы қатынайды. Маусымда оның купесіндегі орын 5 740 теңге, плацкартадағы орын - 3 837 теңге.