Қазақстан Республикасы Қаржы министрлігі Мемлекеттік кірістер комитетінің мәліметінше, жеке тұлғалардың 2024 жылға арналған көлік салығын төлеу мерзімі 2025 жылдың 1 сәуірінде аяқталады, деп хабарлайды Altainews.kz тілшісі.

2024 жылғы көлік салығы 3 692 теңге мөлшеріндегі айлық есептік көрсеткіш (АЕК) негізінде есептеледі. Салық сомасын есептеу үшін азаматтар kgd.gov.kz веб-порталындағы арнайы калькуляторды немесе «e-Salyq Azamat» мобильді қосымшасын пайдалана алады.

Мемлекеттік кірістер органдары жыл сайын көлік салығын есептеп, төлемдер бойынша ақпаратты азаматтарға бірнеше тәсілмен жеткізеді:
– 2025 жылғы 11-31 наурыз аралығында екінші деңгейлі банктердің мобильді қосымшалары арқылы PUSH хабарламалар жіберіледі.
– Салық сомасын kgd.gov.kz веб-порталындағы «Жеке тұлғалар үшін алдағы төлемдер» қызметінен білуге болады.
– Сондай-ақ ақпарат «e-Salyq Azamat» мобильді қосымшасында және екінші деңгейлі банктердің мобильді қосымшаларында қолжетімді.

Уақытында төлем жүргізу үшін азаматтарға салық міндеттемелерін алдын ала тексеріп, қажетті соманы мерзімінде өтеу ұсынылады.