– Президенті Қасым-Жомарт Тоқаевтың сұхбатында көтерілген тақырыптар мен мәселелер өте ауқымда екенін атап өткім келеді. Мән-маңызы мен мазмұны бойынша Президенттің Қазақстан халқына Жолдауымен салыстыруға болады. Жаңа жылдан кейін бәріміз де ертеңге елеңдеп, болашаққа бір үмітпен қараймыз. Мемлекет басшысының журналист сұрағына жауап ретінде айтқан салмақты ойлары осы үмітті жандандарды.
Сонымен қатар Social Science саласының маманы болғандықтан гуманитарлық, әлеуметтік-экономикалық дамуы саласындағы зерттеулердің маңыздылығын есту мен үшін маңызды болды. Прогрессивті реформалар жолымен жүріп келе жатқан қоғамдық-саяси тұрақтылықты сақтап, елдің әл-ауқатын арттыру үшін процестер мен институттарды берік ғылыми білімге, объективті және жүйелі бағалауға бағыттау міндетті шарттардың бірі деп ойлаймын. Президент өз сұхбатында дәл осы институционалды, ұтымды, салмақты және жалпыадамзаттық құндылықтарға бағдарланған тәсілді алға тартты. Бұл, барлық қиындықтарға қарамастан, еліміздің өркендеуіне деген үмітті оятады және нәрлендіреді.