Отбасы банкі баспасөз қызметінің мәліметінше, бағдарламаның іске қосылу күні әзірге нақтыланған жоқ. Бағдарлама әзірлену үстінде, деп хабарлайды Altainews.kz тілшісі Informburo.kz сілтеме жасап.
  
 «9-20-25» бағдарламасы жасалу үстінде, сондықтан нақты іске қосу күні және оны іске асырудың егжей-тегжейлі шарттары туралы айту әлі мүмкін емес. Жаңа бағдарлама аясында меншігінде тұрғын үйі жоқ отбасылар оны бастапқы нарықта жеке құрылыс салушылардан сатып ала алады деп болжануда», – делінген Отбасы банк жауабында.

Бағдарлама нарықтық қаржыландыру есебінен іске асырылатын болады, бюджет қаражаты пайдаланылмайды. Бұл ретте бағдарлама бойынша кредиттеудің түпкілікті мөлшерлемесі нарықта қаражат тарту мөлшерлемесіне байланысты болады.

Отбасы банкінде жыл сайын 150 млрд теңге көлемінде бюджеттен тыс ресурстарды тарту жоспарланып отырғанын айтты, бұл жылына қосымша 8 мың отбасын тұрғын үймен қамтамасыз етуге мүмкіндік береді.

                                                                  Айжанат Бақытқызы