ҚО Оқу-ағарту министрлігінің ақпараты бойынша, 23-25 ақпан аралығында Астанада «Central Asia FIRST Championship» ресми чемпионаты өтеді. Оған әлемнің он елінен, оның ішінде Гонконг, Біріккен Араб Әмірліктері, Түркия және тағы да басқа елдерден 3 мыңнан астам оқушы қатысады. Іріктеу чемпионаттарында квота алған 200 команда Қазақстан атынан өнер көрсетеді, деп хабарлайды Altainews.kz тілшісі.

Мектеп оқушылары үш негізгі жас санаты бойынша бақ сынайды: FLL Explore (6-10 жас), FLL Challenge (10-16 жас) және FIRST Tech Challenge (12-18 жас). 

Чемпионатқа роботтар ойынынан бөлек инновациялық жобалар байқауы мен төрешілер сессиясы да кіреді.

Central Asia FIRST Championship жеңімпаздарына бағалы сыйлықтар, халықаралық жарыстарға қатысуға лицензиялар, қазақстандық және шетелдік жоғары оқу орындарына гранттар беріледі.
 
                                                                     Айжанат Бақытқызы