-Катонқарағайдың тұмса табиғатын екінші Швейцария деп атайтындар көп. Алайда осы жолы Катонқарағай өзінің бірегейлігімен ерекшеленіп, Қазақстанда тұрақты туризмді дамыту әлеуеті жоғары екенін дәлелдеді. Катонқарағай әлемнің түкпір-түкпірінен келген қонақтар арасында өте танымал орынға айналды, ауданымызда көптеген туристік нысандар мен маршруттар бар. Тұмса табиғат өзінің байлығымен, әртүрлілігімен және әсемдігімен таң қалдырады. Мұнда қарлы таулардың, түрлі-түсті жартастардың, мөлдір көлдер мен тау өзендерінің, балқарағай тайгасы мен жидек алқаптарының керемет үйлесімін көре аласыз. Ұлттық саябақтың аумағында сирек кездесетін өсімдіктер, пион мен қызғалдақтардың сирек түрлері өседі, Қызыл кітапқа енген қар барысы, Алтай бұлғыны, тас сусары, қара лейлек,  сияқты жануарлар  өздерін жайлы сезінеді, - деді аудан әкімдігінде.