Су тасқыны, өтемақы: Алаяқтар жалған ақпарат таратып жатыр
фото: oinfo.ru
Әлеуметтік желілер мен мессенджерлерде Еңбек және халықты әлеуметтік қорғау министрлігі су тасқынынан зардап шеккендерге өтемақы төлейтіні туралы ақпарат тарады. Бұл шындыққа жанаспайды, деп хабарлайды Altainews.kz тілшісі.
Министрлік жалған ақпарат тарап жатқанын ескертеді. Белгісіз адамдар төлемдерді алу үшін «толығырақ» батырмасын басуды немесе сілтемеге өтуді сұрайды.
«Мемлекет басшысының тапсырмасына сәйкес, су тасқынынан зардап шеккен қазақстандықтарға жергілікті атқарушы органдар біржолғы төлем түрінде көмек көрсетеді. Олардың мөлшері әр өңірде келтірілген материалдық залалды есептеу үшін құрылған арнайы комиссиялардың шешімі бойынша жеке-жеке белгіленеді. Осылайша, хабарламада көрсетілген сілтеме алаяқтардың азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуге кеңес береміз», - делінген министрліктің хабарламасында.
Мемлекеттік қолдаудың тиісті шаралары туралы ресми ақпарат тек қана 1414 нөмірінен SMS-хабарламалар арқылы таратылады. Еңбек және халықты әлеуметтік қорғау министрлігі қазақстандықтарды тек ресми ақпарат көздеріне сүйенуге шақырады. Жалған ақпарат таратушылар заңмен жазаланады.
Оқи отырыңыз
Атыраулықтар Шығыс Қазақстан облысында су тасқынынан зардап шеккендерге көмек көрсетеді«Қазақмыс» пен KAZ Minerals тобы зардап шеккен өңірлерге материалдық көмек көрсеттіСу тасқынынан материалдық шығынды алу үшін 30 күн ішінде өтініш жазу керекАқтөбе облысында 400-ге жуық адамнан материалдық шығынды өтеуге өтініш түскенҚарағанды облысындағы су тасқынынан зардап шеккендерге гуманитарлық көмек жинау басталды
