Алтай қаласының технологиялық колледжінде алдағы оқу жылына жеті мамандық бойынша құжат қабылдау басталды. Олар - технолог, іс жүргізуші, техник-электрик, техник-механик, бухгалтер-экономист, электр газбен дәнекерлеуші, ағаш және жиһаз өндірісінің шебері, деп хабарлайды Altainews.kz тілшісі.

Басшының айтуынша, оқудың алғашқы жылында студенттер жалпы білім беретін пәндерді өтіп, біртіндеп мамандықтың негіздерін үйренеді. Келесі жылдар толығымен кәсіптік даярлыққа, тәжірибеге арналып, арнайы пәндерді оқиды.

Аталған колледж мамандарды даярлау және оларды жұмысқа орналастыру бойынша жетекші орында.

Барлық мамандықтар бойынша кәсіптік даярлау бюджеттік негізде жүзеге асырылады, яғни тегін.

Одан бөлек студенттер шәкіртақымен, ыстық тамақпен қамтылады және  жол ақысына өтемақы төленеді.

Құжаттарды қабылдау емтихансыз, аттестаттың орташа балы бойынша конкурстық негізде жүргізіледі.

Мекенжайы: ШҚО, Алтай қаласы, Курчатов көшесі, 10/1, телефон +7 (72335) 7-10-01.