2023 жылдың қорытындысы бойынша туризм саласына 12 млрд теңгеден астам инвестиция салынды, бұл алдыңғы жылмен салыстырғанда 15%-ға артық, деп хабарлайды Altainews.kz тілшісі.

Президент Қасым-Жомарт Тоқаевтың төрағалығымен өткен туризмді дамыту жөніндегі кеңесте Шығыс Қазақстан облысының әкімі Ермек Көшербаев өңірдегі туризмнің болашағы және инфрақұрылымды дамыту туралы баяндады.

Ермек Көшербаевтың айтуынша, аймақтағы ішкі туристердің саны былтыр 351,7 мыңға жеткен (өсім 2,7%), ал өңірге келушілер саны 18,3 мың адамға жетті (өсім 2,9%).

Мұның бәрі 2023 жылы көрсетілген қызметтер көлемін 6 млрд теңгеге дейін жеткізуге мүмкіндік берді, бұл 2022 жылғы көрсеткіштен 21,3%-ға артық.

Облыс әкімінің айтуынша, бірінші кезекте өңірдегі басты туристік аймақтар мен нысандарды жалғайтын жолдарды жөндеу қолға алынған.