Биыл елімізде дүниежүзілік V көшпенділер ойындары өтеді. Қазақ елінің төрінде өтетін дүниежүзілік көшпенділер ойынында 21 спорт түрі бойынша қатысушылар бақ сынамақ. Соның ішінде басты спорттардың бірі – дәстүрлі садақ ату сайысы. Бұл өнер елімізде кенжелеп қолға алынса да қарқынды дамып келеді, деп хабарлайды Altainews.kz сайты.

Күзде өтер дүбірлі дода қарсаңында Өскемен қаласында дәстүрлі садақ атудан жасөспірімдер арасында Қазақстан чемпионаты өтіп жатыр. Бұл шараның басы-қасында алдағы V дүниежүзілік көшпенділер ойындарына қатысатын мергендер де жүр. Ел намысын қорғауға жолдама алған сұр мергендердің бірімен сұхбат құрып, әңгіме өрбітіп қайттық.

Айта кетейік, Бақберген Сәлімов V дүниежүзілік көшпенділер ойынында дәстүрлі садақ ату сайысы бойынша еліміздің намысын қорғайтын 10 спортшының бірі. Ал он спортшының қатарында ШҚО-дан да бір мерген бар. Сұр мергенмен өрбіген сұхбаттың толық нұсқасы алдағы уақытта «DIDAR» газетінде жарық көретін болады.