Өскеменде осы сенбіде ауқымды екі турнир ұйымдастырылады.

Облыс орталығында велосипед спорты бойынша ерлер арасында жарыс өтеді. Сондай-ақ дәстүрлі садақ атудан «Көшпенділер ізімен» қалалық турнирі ұйымдастырылады, деп хабарлайды Altaynews тілшісі.

«Көшпенділер ізімен» ашық қалалық турниріне 18-35 және 36-50 жас аралығындағы ерлер мен әйелдер қатысады. Ал тасжолдағы веложарыс 18 жастан асқан ер адамдар арасында өткізіледі. Қатысу тегін.

Топтық веложарыс 29 шілде күні сағат 10.00-де Шешек асуында басталады. Жарыстың мәресі – Сібе көлдеріндегі «Төр Алтай» демалыс базасы. Жүлде қоры – 900 000 теңге.

Дәстүрлі садақ атудан жарыс та 29 шілде күні осы Сібе көлдеріндегі «Төр Алтай» демалыс базасында өтеді. Жүлде қоры – 1 000 000 теңге.

Турнир 4 санатта өткізіледі:

🔸 I санат  18-35 жас (ерлер);

🔸 II санат  36-50 жас (ерлер);

🔸 III санат  18-35 жас (әйелдер);

🔸 IV санат  36-50 жас (әйелдер).

Сондай-ақ жеке номинациялар бойынша да жеңімпаздар анықталады:

• Садақпен атудағы үздік техника;
• Үздік ұлттық киім.

Байланыс телефондары: 8 705 500 65 74; 8 777 542 51 51